Obami | Digital Stakeholder Experiences

Question 1:

ISICATSHULWA A

NGENXA KANANDIPHA

1 UDUmezweni, umfana kaMbuso, wavuka ngonyezi awayuehlala kuwo eColosa, wee nyebelele wabetha ngezikaTshiwo kuloo ndlela iqatywe mnyama isinga edolphini eDutywa. Wayeqhutywa yintliziyo eyophayo, ephethwe ngumvandedwa kwaye ke akazange alale buthongo buhlayo kwezo ntsuku. Ingqondo yakhe yayixinene, imomene, ixikixwa ziingicnga ezaziyiqweqwedisela phesheya kwemilambo enamagama. Wayexhalabile ekhathazwa luvalo. Imbangi ludaba olwaluphalazwe ezindlebeni zakhe nguNandipha, isithandwa sakhe, elila ezimathonts' abanzi iinyembezi esithi uDumezweni umphathisile. Wayesel' evela kwagqirha uNanidpha, ngokutsho kwakhe, kwafumaniseka ukuba senyanga-ntathu ekhulelwe

2. Kwathi akuva olo daba umfana yagungqa yashenxa esihlalweni sayo intliziyo yakhe, ekhumbula amazwi angaginyekiyo kayise owakha wamtyityimbisela umnwe esithi mhla weva ukuba wenze umonakalo onjalo engatshatanga, uya kuze amnyathele esiswini amathumbu aphume ngomlomo, okanye amhlambe phakathi kwamasango omzi wakhe. Wayeyazi kakhuhle engayithandabuzi inkohlakalo kayise uDumezweni kwaye ke kwakunokwenzeka ukuba akabhibhidli mazinyo kuloo mazwi alukhuni.

3. UDumezweni lo wayefunda kwibanga lesibhozo kwisikolo saseColosa noNandipha lowo wayekwakwelo banga. Kwakudlule iinyanga ezintandathu bethandana. Le nyanga wayemxelela ngayo uNandipha yayiyeyoMsintsi, sekumbovu kubhalwe iimviwo zokuphela konyaka. UDumezweni nangona wayencwase ukufunda ade ayokufikelela kwyYunivesithi yaseTranskei, azuze imithika yezidanga zemfundo enomsila, waziva enyanzelekile ukuba ayincame okwelo thuba, asabe ingqumbo kayise.

4. Wafika eDutywa xa kumpondo-zankomo, walindela uloliwe oya eRhawutini.Wayejonge ukusabela kuninalume owayephangela eJeppe, eRhawutini, ehlala eChiawelo. Wakhwela ngemali yokuthenga iincwadi zesikolo. Yathi ibetha imini emaqanda yemini elandelayo wabe ewela iGqili, uloliwe wanaba okwesongololo ukucanda loo mathafa aseFreyistathi, waya kumtyekeza ePark Station eRhawutini umfana kaMbuso ngenj' ixukuxa ngosuku lwesithathu endulukile eDutywa. Waqesha iteksi yaya kumbeka eChiawelo phambi kwendlu awayehlala kuyo uninalume.

5. Wadana wangathi uphuzwe yinja phakathi kwamanenekazi akubona abantu angabaziyo kuloo ndlu, bamxelela ukuba uninamalume aksahlali apho, watsintshelwa eAlberton ngaseGermiston kwaye ngoku uhlala elokishini eThokoza apho afuduke khona. Wafa namthanyana kuba wayengayazi loo ndawo kuthiwa ukuyo. Wagqiba kwelokuba afune umsebenzi edolophini eRhawutini. Wazula-zula imini yonke, engena ephuma, ephuma engena kwimizi-mveliso lada latshona tshoce ilanga laloo mini engawufumani. Ingxaki ke ngoku kusakuhlwa yaba kukufumana imndawo yokubeka amacala. Waya ehotele wazithengela imbodlela yotywala besilungu, waphuma eyigonile,eyiqinise ngokungathi iza kuhluthwa aphulukane nayo. Wabhadula wada waya kufika erenkini yeebhasi zaseSoweto. Wayeziva esemqheleni omnandi kuba phaya ehotele wakha warhabula kanobom kuloo ndyuwe wayeyiphethe. Wathenga itikiti, wakhwela esithi uya eSoweto. Wayelawulwa ngumqhele, engayazi naloo ndawo athi uya kuyo kwaye engazi mntu apho.

6. kwathi xa kuphiphiphi, sewungcono nok' umqhele, wakhumbula ubugebenga baseSoweto awayekhe abaliselwe ngabo, wemisa, wehla esithubeni kuloo bhasi sekumnyama mpela ngoku. Wahamba ngeenyawo ithutyana, efuna indawo angalala kuyo, wathi vovololo, tywaa ecaleni kwendunduma. Waphinda waziqabula ngotywala wabufinca, ecima ezo ntsizi wayefikile kuzo. Kule ndawo wayengqengqe kuyo wayeqamele ngelitye elinomphezulu ongqukuva. Wawuvakala kamnandi umqhele, umbamabzela emphefumlweni, wahlaziyeka, waziva enamathemba amatsha osuku olulandelayo. Kusenjalo walala yoyi.

7. Kwathi ezinzulwini zobusuku waphupha kugqutha umoya woqhwithela, imvula inetha amaxhegwazana. Kusenjalo, wohlo yadilika loo ndunduma phezu kwakhe. Wothuka waxhuma ekhuza. Tyhini! Liphupha. Oko kuxhuma nokukhuza kwakhe kothusa isilo esasilele kufuphi kuye. Naso senza owenkawu, sagqotsa sibhanxekile, kwavakala ukurhwashazela kwengca, kwathi tyolokobo, tyobo sityhobeka kwityholo elikufuphi. Oko kuvumbuluka kwaso ngesiquphe kwamathusa ngakumbi uDumezweni, lwathi merhe uvalo, izibilini zanyuka ngephanyazo zangathi zizia kuphuma ngomlomo. Abuzange buphinde buhle ubuthongo kuDumezweni emva koko kwada kwasa.

8. Ukuphuma kwelanga waphakama apho enengevane, wacothoza okonwabu esiya edolophini. Wabetha ngezikaTshiwo kwindlela emfutshane enqumla kwelaa tyholo sasingene kulo esaa silo sasivumbuluke ecaleni kwakhe ebusuku. Kwathi engekatyhutyha-tyhutyhi kakhulu wasibhaqa phambi kwakhe sidunduluze gangalala, itshoba lilele umbethe. Kwathi kanti yinkunzi yembadala. Wancuma emangalisiwe uDumezweni. Kwangoko wayiphakamisa loo nyamakazi wayityatha emagxeni wemka nayo. Wayexakiwe ukuba uza kuyihlinza ayiphekele phi na. Kwathi engakahambi thuba lide wadibana namadoda esebenza emgaqweni wezithuthi, walinga ukuyithengisa kuwo. Wakhwela emqolo phezu kweqhinga unyana kaMbuso, akatsho ukuba uyichole ifile koko wathi uyizingele wayibulala

Qaphela: Phendula yonkeimibuzo usebenzisa amazwi akho ngaphandle kokuba ucelwe ukuba ucaphule.Kwiimpendulo ezifuna igama elinye bhala kuphela inombo yombuzo negama elifunwayo.

-----------------------

1.1 Jonga kumhlathi 1

1.1.1 Wayehlala phi uDumezweni?

Your Answer:

Question 2:

1.1.2 Kuthetha ukuthini xa kusithiwa , 'wabetha ngezikaTshiwo'?

Your Answer:

Question 3:

1.1.3 Wayexhalatyiswe yintoni uDumezweni?

Your Answer:

Question 4:

1.2 Jonga kumhlathi 2

Uyise kaDumezweni wayeyindoda ekhohlakeleyo. Xhasa olo luvo

Your Answer:

Question 5:

1.3 Jonga kumhlathi 3

1.3.1 Chonga ibinzana eliphuhlisa ukuba ixesha leemviwo laliselisondele.

Your Answer:

Question 6:

1.3.2 Njongo zini awayenazo uDumezweni ngekamva lakhe?

Your Answer:

Question 7:

1.4 Jonga kumhlathi 4

Xa kusithiwa 'ngenj' ixukuxa' kuthethwa ukuba kwakuxesha ni?

Your Answer:

Question 8:

1.5 Jonga kumhlathi 5

1.5.1 Wafikelela kwesiphi isigqibo uDumezeni akufika un inalume efudukile?

Your Answer:

Question 9:

1.5.2 Caphula into ebonakalisa ukuba wayewufuna nyhani umsebenzi?

Your Answer:

Question 10:

1.5.3 Xa kusithiwa wayeyigonile kuthethwa ukuba:

A Wayithi tshwa ekhwapheni.

B Wayeyibeke emqolo

C Wayeyibeke entloko

Your Answer:

A Wayithi tshwa ekhwapheni

B Wayeyibeke emqolo

C Wayeyibeke entloko

Question 11:

1.6 Jonga kumhlathi 6

Sizathu sini esabangela ukuba uDumezweni ehle esithubeni kuloo bhasi engafikanga nakuloo Soweto?

Your Answer:

Question 12:

1.7 Jonga kumhlathi 7

1.7.1 Wavuswa yintoni kule ndawo wayelele kamnandi kuyo?

Your Answer:

Question 13:

1.7.2 Yintoni eyabangela ukuba angakwazi ukulala obuhlayo emva kokuba evukile?

Your Answer:

Question 14:

1.8 Jonga umhlathi 8

1.8.1 Qhinga lini elasetyenziswa nguDumezweni ukuloba amadoda ukuba ayithenge inyamakazi?

Your Answer:

Question 15:

1.8.2 Ubuya kuthini wena ukuba ibinguwe okhulelise intombi usengumfundi

Your Answer:

Question 16:

1.8.3 Mfundisoni oyifumeneyo ngokufunda esi sicatshulwa?

Your Answer:

Question 17:

ISICATSHULWA B

QAPHELA: Phendula yonke imibuzo usebenzisa amazwi akho ngaphandle kokuba ucelwe ukuba ucaphule.

1.9 Babonakala ingabantu abangakanani ngokobudala aba bakulo mfanekiso

Attached Resource:

971a3469-555b-4f4f-a3d2-2d4df3dce4db.png

Your Answer:

Question 18:

1.10 Ucinga ukuba yintoni injongo yomfoti ngalo mfanekiso

Your Answer:

Question 19:

1.11 Ngesivakalisi esinye bhala okuqhubeka kulo mfanekiso

Your Answer:

Question 20:

1.12 Inokuba yayinjani imo yezulu ngale mini?

Your Answer:

Question 21:

1.13 Khankanya into enye enokubangela ukuba uthi asilo xesha lasikolo eli livezwe kulo mfanekiso?

Your Answer:

Question 22:

1.14 Xela izinto ezimbini ezisemfanekisweni nezibonisa ukuba abantu abakuwo baphila kwixesha langoku

Your Answer:

Question 23:

1.15 ISICATSHULWA A sinibelelana njani NESICATSHULWA B?

Your Answer:

Question 24:

ICANDELO B: ISISHWANKATHELO

UMBUZO 2: SHWANKATHELA NGAWAKHO AMAZWI

Funda ngocoselelo ISICATSHULWA C esingezantsi. Kwesi sicatshulwa kuxoxwa ngendlela abantu abaphumeleleyo amabenze ngayo umahluko ebomini babanye abantu.

QAPHELA:

Kulindeleke ukuba wenze oku kulandelayo:

• Shwankathela ngawakho amazwi ngezivakalisi ezipheleleyo, ungadluli kumagama angama-70.
• Esi sicatshulwa singendima enokudlalwa ngabantu abaphumeleleyo ukuze kuphumelele nabanye abantu.
• Ungashwankathela ngeengongoma ezisi-7 OKANYE ngomhlathi. (7)
• Akulindelekanga ukuba ubhale isihloko sesishwankathelo.
• Qaphela indlela echanekileyo yokusetyenziswa kolwimi, iimpawu zobhalo nococeko. (3)

NGOPHUMELELEYO OKANYE WENZA UMAHLUKO KUBOMI BABANYE?

Umfundisi uGeorge uzama ukubonisa iindlela zokuba ngumntu ophumeleleyo nowenza umahluko kubomi babanye. Sisengabantwana sasiye sibuze kwaye siphuphe ngezinto esinqwenela ukuba zizo xa sesibadala. Ndikhumbula ukuba oontanga bam abaninzi babefuna ukuba ngoomongameli, oogqirha, amagqwetha, abalinganisi abadumileyo noosomashishini abaphumeleleyo. Kuqala ndandifuna ukuba ngusomajuku-juku ndaza ndafuna ukuba ngugqirha otyandayo, ndagqibela ngokufuna ukuba ngunjingalwazi. Kwakukho nexesha apho ndandifuna ukuya emkhosini. Leyo yayiminqweno yethu ekukhuleni kwethu ukuze sibe ngabaphumeleleyo.

Ekuhambeni kwexesha abazali bethu basithathela izigqibo ngezinto ekufuneka sibe zizo nendlela abayibona ngayo impumelelo. Kwabanye abantu yasebenza loo nto yokukhethelwa kodwa kwabaninzi ayibanga naziphumo zihle. Xa ndijonga emva ndiphawule ukuba leyo yayiyimpazamo enkulu yabazali. Impumelelo yakho ibonakalaliswa yindlela owenza ngayo izinto.

Injongo yeli nqaku kukunceda abantu bohlukane nokuleqa impumelelo kuba befuna udumo. Impumelelo mayingabutshintshi ubuntu bethu de silibale nemvelaphi yethu. Asinguye wonke umntu osebenza nzima oza kuba ngumlawuli, i-MD okanye usihlalo wenkampani. Ayisithi sonke esiza kuthandwa okanye sidume ngeendlela ezahlukileyo. Singabantu siyingqokelela yeziphiwo neetalente ezifihlakeleyo. Akukhathaliseki nokuba uphethe, usisikhulu sepolitiki, uyinkosikazi ehleli ekhaya, unendawo yakho ehlabathini eyeyakho kuphela.

Izidingo zobomi zifuna intsebenziswano nokusebenzelana kwamakhono ukuze ubomi bube yimpumelelo. Iimbaleki ziyaludinga uncedo lwabaqeqeshi, ii-arhente, abapapashi, abancedisi emakhaya, abaqhubi, oogqirha, amagqwetha nabanye abantu ngokwendima abayidlalayo. Yonke indima oyinikwayo lithuba lakho ukuba uzibonakalise. Ubomi nokuba buza nantoni yamkela ngezandla zozibini wenze kangangoko unako. Ubuncwane buza xa ulwamkele uxanduva onalo.

Kwenze injongo yakho ukwenza umahluko ngobomi bakho, makube yinjongo ephambili ukuba kubekho mntu uvuyayo ngokufika kwakho ebomini bakhe ngexesha ofike ngalo.

Awudingi meko ingcono ukuze ube ngumntu owenza umahluko, ungaqala kule ndawo ukuyo. Umzamo omncinane owenzayo ubalulekile. UMdali ufihla izinto ezinkulu kwezincinane. Fumana indlela yokuguqula konke okubi ebomini bakho wenze umahluko ebomini babantu. Ziindaba ezimnandi xa umntu ngamnye enza umahluko.

Your Answer:

Question 25:

ICANDELO C: ULWIMI

UMBUZO 3:UKUCAZULULA ISIBHENGEZO-NTENGO

QAPHELA:

Kwiimpendulo ezifuna igama elinye bhala kuphela inombolo yombuzo negama elifunwayo.

Kwimibuzo ekukhetwa kuyo, bhala inombolo yombuzo kuphela kunye nonobumba A-C wempendulo echanekileyo.

Funda esi sibhengezo-ntengiso (ISICATSHULWA D) esingezantsi uphendule imibuzo ebuziweyo.

ISICATSHULWA D

3.1 Ucinga ukuba yintoni injongo yokusetyenziswa kwala manenekazi kwesi sibhengezo?

Attached Resource:

ce3aebb2-8ea2-4b36-93e7-007de0ab8102.png

Your Answer:

Question 26:

3.2 Sijoliswe koluphi udidi lwabantu esi sibhengezo-ntengiso?

Your Answer:

Question 27:

3.3 Nika isizathu sokuba abathengisi basebenzise iifonti ezahlukaneyo

Your Answer:

Question 28:

3.4 Lusetyenziswe ukuphulisa eyiphi injongo uphawu lombuzo kwesibhengezo-ntengiso?

Your Answer:

Question 29:

3.5 Nika umsebenzi ube mnye obhengezwe kwesi sibhengo-ntengiso

Your Answer:

Question 30:

3.6 Gqibezela eli qhalo lilandelayo

Akukho nkanga..

Your Answer:

Question 31:

3.7

Ingaba islogani esisetyenziswe ngabathengisi usibona sihambelana nesibhengezo-ntengiso? Xhasa impendulo yakho

Your Answer:

Question 32:

3.8 Lisetyenziswe njani igama u 'zokuhlala'?

Your Answer:

Question 33:

Umbuzo 4: KUCAZULULA IKHATHUNI

QAPHELA:

Kwiimpendulo ezifuna igama elinye bhala kuphela inombolo yombuzo negama elifunwayo.

Kwimibuzo ekukhethwa kuyo, bhala inombolo yombuzo kuphela kunye nonobumba A-C wempendulo echanekileyo.

Funda le khatuni (ISICATSHULWA E) ingezantsi uze uphendule imibuzo elandelayo.

QAPHELA: Kule khathuni kukho abafana abane, uRasta, Stix, uShoti noChiskop.

4.1 Jonga kwibhokisi 1

4.1.1 Igama 'Majita' lisetyenziswa:

Attached Resource:

485a0994-8c68-4639-9e01-587055fe9356.png

Your Answer:

A Kumantombazana

B Kumakhwenkwe

C Kulutsha jikelele

Question 34:

4.1.2 Bhala ngendlela echanekileyo igama 'kwezintsuku'

Your Answer:

Question 35:

4.2 Jonga kwibhokisi 2

Xela umsebenzi wegama, 'Izolo'

Your Answer:

Question 36:

4.3 Jonga kwibhokisi 3

Chonga igamalibe linye elibolekwe esiNgesini

Your Answer:

Question 37:

4.4 Jonga kwibhokisi 4

Ucinga ukuba uphuhlisa ntoni umnwe ophakanyiswe nguShoti

Your Answer:

Question 38:

4.5 Jonga kwibhokisi 5

Mfundisoni enikwa uChiskop nguShoti ngamazinyo?

Your Answer:

Question 39:

4.6 Jonga kwibhokisi 6

Aaarrgghh..ubonakalisa ntoni ngokwentetho kaShoti

Your Answer:

Question 40:

4.7 Jonga kwibhokisi 7

Ububona bunjani ubudlelwane phakathi kukaShoti noChiskop? Xhasa impendulo yakho

Your Answer:

Question 41:

Umbuzo 5: ULWIMI NEZAKHONO ZOKUHLELA

QAPHELA:

Kwiimpendulo ezifuna igama elinya bhala kuphela inombolo yombuzo negama elifunwayo.

Kwimibuzo ekukhethwa kuyo, bhala inombolo yombuzo kuphela kunye nonobumba A-C wempendulo echanekileyo.

Funda esi sicatshulwa singezantsi (ISICATSHULWA F) uze uphendule imibuzo elandelayo.

ISICATSHULWA F

5.1 Igama 'iintsuku' lisetyenziswe:

Attached Resource:

776e9c76-0574-4664-87bc-73515482bd53.png

Your Answer:

A Kwisinye.

B Kwisininzi

C Kwisenzi

Question 42:

5.2 Sisetyenziswe njani isimelabizo esikrwelelwe umgca ngaphantsi kwisivakalisi esingezantsi?

Ingomso lona andinasabelo kulo..

Your Answer:

Question 43:

5.3 Isenzi esibhalwe ngqindilili kweli binzana lilandelayo sikoluphi uhlobo nexesha?

Ngoncedo loMdali imizamo yam ndiyicebela usuku ngalunye ..

Your Answer:

Question 44:

5.4

Lungisa isiphene kwesi sivakalisi silandelayo.

UNotshe! andiphindi kwakho ndizikhathaze ngezinye iintsuku.

Your Answer:

Question 45:

5.5

Lenze msebenzi mni igama u 'emhlabeni' kwisivakalisi esingezantsi?

Namhlanje ndiza kuphila ngathi lusuku lwam lokugqibela emhlabeni

Your Answer:

Question 46:

5.6

Xela indlela esisetyenziswe ngayo isakhi esikrwelelwe umgca ngaphantsi.

Ndizimisele ukuphila ndiphathe kakuhle wonke umntu endihlangana naye.

Your Answer:

Question 47:

5.7

Ludidi luni lwesibanjalo u 'bufutshane' osetyenziswe kweli binzana lilandelayo.

Ubomi bufutshane kwaye buzele ziinzingo ...

Your Answer:

Question 48:

5.8

Ngqamanisa igatya nodidi lonxulumano lwalo.

Attached Resource:

d61dc4d7-75fb-40ad-a6a6-f516b4e5ef52.png

Your Answer: